لقاء مع الكاتبة يارا محمود

لقاء مع الكاتبة يارا محمود: رحلة 4 سنوات في عالم الكتابة

1. عرفينا بنفسك وبأعمالك في مجال الكتابة:

-أنا يارا محمود، دخلت مجال الكتابة من 3 سنين، ودي السنة الرابعة ليا. عندي أعمال إلكترونية زي:

الكتيبة 101، الفسحجية، لم تكن الضحية أنثى، ديزني في حارتي، ليلى، صدى الهمسات البرية، بدلة الحظ، أوزرين، الوعد، الماء ضد النار.

وآخر أعمالي الورقية هو متوحش من نوع آخر، الحمد لله.

2. إيه اللي شجعك على دخول عالم الكتابة؟

-أصدقائي كانوا السبب الأساسي اللي شجعني أدخل المجال.

3. كلمينا عن أول عمل نشرته.. تفاصيل التجربة كانت عاملة إزاي؟

-أول عمل نشرته كان الكتيبة 101. تجربة بسيطة لكنها كانت السبب في كل حاجة وصلت ليها، حتى إنها فتحت لي الباب للنشر الورقي. اتعلمت منها إن مهما كنت كبير في الكتابة، لسه في حاجات جديدة ممكن تتعلمها، زي تطوير السرد وتحسين أسلوبك.

4. إيه الموضوعات أو القضايا اللي بتحب تركزي عليها في كتاباتك؟

-بكتب عن قضايا زي التحرش، المخدرات، الحياة الاجتماعية، وحقوق المرأة.

5. لو هتقيمي رحلتك في الكتابة لحد دلوقتي، هتديها كام من 10؟ وليه؟

-هديها 7 من 10، لأن لسه في حاجات كتير محتاجة تتصلح وأطورها في نفسي.

6. كلمينا عن علاقتك مع القراء.. إيه أكتر تعليق أثر فيك؟

-علاقتي مع القراء كويسة جدًا وبحبهم كلهم. أكتر تعليق أثر فيا كان من بنت كانت بتابع رواية الفسحجية، اللي بتناقش قضية التحرش. التعليقات دي دايمًا بتخليني أحس بالمسؤولية تجاههم.

7. إزاي بتتعاملين مع لحظات فقدان الإلهام أو "الكاتب بلوك"؟

-بفصل عن الكتابة تمامًا لمدة أسبوع أو أسبوعين، لحد ما تيجي فكرة جديدة وأرجع أكتب.

8. كلمينا عن عملك الأخير.. إيه اللي ألهمك تكتبيه؟ وإيه أهم ما يميزه؟

-البيئات اللي شفتها والشباب اللي بتدمر قدامي كانوا السبب الرئيسي اللي خلاني أكتب. أكتر حاجة بتميز العمل إنه واقعي وبيناقش قضايا نفسي بجد تنتهي.

9. إيه أكتر نصيحة اتبعتها وخلتك تطوري من نفسك ككاتبة؟

-نصيحة بقولها لنفسي دايمًا: "مهما العمر بيعدي، هنتعلم حتى لو حرف."

10. لو عندك فرصة تقابلي كاتبك المفضل، إيه أول سؤال هتسأليهوله؟

-هسأله: "لو ماكنتش كاتب، كنت هتكون إيه؟ وإيه مصدر إلهامك؟"

                                ---

يارا محمود تمثل نموذجًا للكاتب الذي يتعلم باستمرار ويطمح دائمًا للتطوير. رحلتها مليانة شغف، والقضايا اللي بتناقشها بتعكس مدى حرصها على إحداث تغيير إيجابي في المجتمع.