حوار مع الكاتبة رغدة سلامة: رحلة بين عالمين
1. عرفينا بنفسك وبداية مشوارك في الكتابة.
اسمي رغدة سلامة، عمري 36 سنة، من فلسطين.
2. إيه العمل الأدبي اللي بتحسي إنه كان له أكبر تأثير في مسيرتك؟
نوفيلا لي نصيب من اسمي، وهي نوفيلا إلكترونية نزلت من كام سنة.
3. إيه الجديد في عملك الأخير؟ وكلمينا عن أهم ما يميز هذا الكتاب.
العمل الأخير هو قلب بين عالمين، وهو مصنف كعمل فانتازيا. أحب أنوه إنه مش ضمن تصنيف الرعب. الكتاب مزيج بين الواقع والخيال، ويميزه الصراع بين الحق والباطل من عدة زوايا.
القصة فيها فراق طويل بين الأبطال، لكنها مش مجرد قصة حب بين رجل وامرأة. هنلاقي علاقات أعمق زي علاقة الأب والأبناء اللي بتتعرض للانهيار، ثم الصراع لإعادة ترابطها. كمان بتبرز أهمية الصداقة والوفاء اللي بتستمر مهما طال الزمن.
4. لو في اقتباس واحد يعبر عن فكرة كتابك الأخير، هيكون إيه؟
كيف ستشعر إن كنت أنت مفتاحًا بين عالمين مختلفين؟ هل ستجازف بفتح الستار أم أنك ستقبض على قلبك بقبضة من حديد وتبتعد؟
وضع يده على الصفحة المفتوحة، لتشعر وكأن الكتاب حي يرزق يصف كل تفاصيله. غاصت بمشاهدة ذلك العالم وهو يتجسد بخيالها بأدق التفاصيل المكتوبة بحرفية. رأت الأنفاق وجدرانها المزخرفة، والبوابات العملاقة للسراديب المشتعلة، وسكان هذا العالم بأجسادهم العملاقة ووجوههم المخيفة.
5. إيه الرسالة أو الهدف اللي حاولتي توصيله من خلال كتابك؟
1. الطمع يضر ولا ينفع.
2. لو واثق إنك على حق، خليك ثابت وماتتراجعش.
3. الحب جزء لا يتجزأ من الحياة، ووجوده في أي علاقة بيخليها أقوى مش أضعف.
6. إزاي كانت تجربتك مع الكتابة والنشر بشكل عام؟
النشر الإلكتروني كان تجربة سهلة وممتعة. أما النشر الورقي، فكان شعورًا غامرًا بالسعادة، لكنه مليء بالتوتر والقلق.
7. إيه أكتر شيء بتحبيه في تفاعل القراء مع كتاباتك؟
لما القُرَّاء يعبروا عن رأيهم بصدق، من غير مجاملة، ولما يتوقعوا أحداث القصة ويكونوا فرحانين بإنجازهم.
8. إيه النصيحة اللي بتشوفيها مفيدة لأي كاتب مبتدئ؟
اتقِ الله في كل كلمة تكتبها، لأنك بالنسبة للقراء قدوة وشخص يُحتذى به.
9. إيه طموحاتك الأدبية المستقبلية؟
أتمنى أقدم عمل كبير يترك أثرًا بالغًا في نفوس القراء.
10. إيه الحاجة اللي بتشجعك وتدفعك للاستمرار في الكتابة؟
أولًا، حبي للكتابة، لأنها المكان اللي بلاقي فيه نفسي وبكون سعيدة وأنا بكتب. ثانيًا، تشجيع أصدقائي المستمر.
انتظروا مزيد من الإبداع على إلينور
تعليقات
إرسال تعليق
يسعدنا مشاركة رأيك