حوار مع الكاتبة منة الله هشام فاروق الجزار
عندما يتعاون الحب والشر لإنقاذ العالم
1. عرفينا بنفسك وبمسيرتك في الكتابة.
اسمي منة الله هشام فاروق الجزار، عندي 21 سنة ومن الشرقية. بدأت الكتابة من حوالي سنة، ورغم الصعوبات اللي واجهتها، إلا إن دعم الفانز بتوعي هو اللي خلاني أكمل واستمر.
2. إيه أهم أعمالك الأدبية اللي بتفخري بيها؟
بصراحة كل رواية ليها مكان خاص في قلبي، لكن رواية وحش الصعيد، المكونة من 3 أجزاء، موجودة على الفيس وواتباد، بتعتبر من أبرز أعمالي.
3. كلمينا عن عملك الأخير.. إيه فكرته، وإيه اللي بيميزه عن باقي أعمالك؟
العمل الأخير هو رواية المارد، اللي هتكون متواجدة في معرض الكتاب في صالة 2، جناح A 52.
فكرتها إن الحب والشر تعاونوا مع بعض لأول مرة عشان ينقذوا عالمهم من الخراب والدمار.
اللي بيميزها إنها مختلفة تمامًا عن باقي رواياتي، بأفكار جديدة وصراعات صعبة. تخيل إنك تحب غريمك اللي كان السبب في فقدان أهلك، وتتعلم معاه إزاي تواجهوا العالم.
4. لو تختاري اقتباس واحد يعبر عن روح عملك الأخير، هيكون إيه؟
الشر دائمًا هو المسيطر على هذا الكون، ومن لديه القوة هو الذي يحكم. البطل يقف وشر العالم يتطاير أمام عينيه، ثم يقول:
"كم أكره هؤلاء البشر! الكثير منا قد مات بسببهم، ولكن الآن نحنُ نتغذى على دمائهم..."
5. إيه الرسالة أو الفكرة الأساسية اللي حاولتِ توصيلها من خلال كتابك؟
1. الظلم والكذب مهما طال، الحقيقة هتظهر في الآخر.
2. التنمر ممكن يدمر حياة إنسان من غير ما نحس.
3. حب الغير مش ضعف، بالعكس ده القوة الحقيقية.
4. العيلة والصداقة الحقيقية هما أساس الحياة، لأن الصداقة مدينة لا يعرفها إلا الأوفياء.
6. إزاي كانت تجربتك مع الكتابة والنشر لحد دلوقتي؟
كانت صعبة في البداية، لكن دلوقتي ممتعة وحلوة.
7. إيه أكتر حاجة بتحبيها في التواصل مع القراء؟
إنهم يقولوا رأيهم بصراحة، وأشوف هل قدرت أوصل أفكار الرواية ليهم ولا لأ.
8. لو عندك نصيحة لكتّاب بيبدأوا مسيرتهم، هتكون إيه؟
كمل لحد النهاية، مهما كانت الصعوبات، وحاول عشان تحقق حلمك.
9. إيه خططك أو طموحاتك المستقبلية في الكتابة؟
إني أطور نفسي أكتر وأقدم أعمال أقوى وأعمق.
10. إيه اللي بيحفزك على الاستمرار في الكتابة وتطوير نفسك؟
أهلي وصحابي هما الدعم الأكبر لي.
انتظروا مزيد من الإبداع على إلينور
تعليقات
إرسال تعليق
يسعدنا مشاركة رأيك